कॅरेबियन बेटांवर...

ही सध्याची वेस्ट इंडिजची टीम म्हणजे भयानकच साधी आहे.. एकदम धन्यवादच. असंच खेळायचा त्यांचा हेका पाहून खरंतर भारत- वेस्ट इंडिज कसोटी मालिकेत त्यांचा व्हाईट वॉश होणं अटळ वाटत होतं. त्यात शाण्यांनी आपल्या कॅरेबियन बेटांवर फॉर्मातल्या टीम इंडियाशी चार टेस्ट्स खेळायचा प्लान आखला होता. कायपण चंग बांधतात एकेक लोक्स..पण त्यांच्या सुदैवाने आणि कॅरेबियन देवाच्या कृपेने पाऊस आणि एका टेस्टमध्ये संघर्ष करत त्यांनी ही नामुष्की टाळली. वा! सध्या आपला कोहली तर काय ऐकत नाही कुणाला, हा गडी फॉर्मात असताना हे काय डोहाळे लागले वेस्ट इंडीजला. वनडे आणि टीट्वेंटीत तर त्यानं त्याचं खमकं डेंजरत्व सिद्ध केलं आहेच. पण आता कसोटीतही समोर येईल त्याला असेल त्या पिचवर असेल त्या देशात झोडपतोय. बारापैकी नऊ शतकं ओव्हरसीज आहेत त्याची.. आता बोला. आधी ऑस्ट्रेलियात तीन शतकं हाणून आला, आता कॅरेबियन बेटावर पहिलीच इनिंग दोनशेची. अरे परवा परवा तर आयपीएलला ९७० रन्स करून आला की.. तेच इकडे कंटिन्यू.. सातत्य का चेष्टा राव.. २०११ ला वेस्ट इंडीजमध्येच टेस्ट डेब्यू केलेलं याने, पण तेव्हा ती अख्खी सिरीज फेल गेला.. आणि आता त्याचा राग निघतोय होल्डर, ब्रेथवेट, बिशू, गॅब्रिएलवर.. भोगतायत बिचारे.

'रुकावट के लिये खेद है' म्हणत पावसाने दोन कसोटयांमद्ये व्यत्यय आणून त्या भिजवून भिजवून खाऊन टाकल्या, त्यातली एक तर पूर्णच, आणि दुसरी एक टेस्ट वेस्ट इंडिजने जबर इच्छाशक्तीने लढून ड्रॉ केली.. ही सिरीज खरंतर अश्विनने गाजवली, दोन शतके ठोकली.. आधीही विंडीजविरुद्धच दोन शतके केली होती त्याने.. मग अर्थातच या मलिकेत रीतसर सामनावीर, मालिकावीर होत गेला. कारकिर्दीत सहावेळा मालिकावीर आत्ताच झालाय तो.. सचिन, द्रविड, सेहवाग, गावसकर याना मागे टाकलंय त्याने या बाबतीत.  

कोहली काय तसाही आता जागतिक दुखणं होऊन बसलाय, सगळेच बोलर्स आळीपाळीने रडतायत. किती नडले किती फोडले.. पण वेस्ट इंडीजचं खरं दुखणं वेगळंच.. म्हणजे टीट्वेंटीत धडकी भरवणारी ही टीम कसोटीत गळपटतेय कारण त्यांचे खरे राक्षस टेस्ट खेळायला इंटरेस्टेड नसतात. गेल, पोलार्ड, ड्वेन ब्राव्हो, ड्वेन स्मिथ, सॅमी, रसेल सगळे आपापल्या घरी टीव्हीवर मॅच बघत बसलेत. नरीन, बद्री, बेन हे स्पिनर्सपण या ना त्या कारणाने बाहेर.. जेरोम टेलरला पण आत्ताच निवृत्ती घ्यायची होती.. हे सगळंच खरंतर टेस्ट दर्जासाठी त्यांना मारक ठरतंय. तो रसेल तर बसला फक्त टेस्टमधून निवृत्ती घेऊन.. का तर म्हणे वनडे आणि टीट्वेंटीवरच लक्ष केंद्रित करायचंय. इयान बिशपनी जाहीर फाडला होता त्याला (हां राईट, बिशप म्हणजे तेच ते ‘तोतली अंदर कंत्रोल’ कॉमेंटरीवाले) ‘हे आजकालचे विंडीजचे प्लेयर्स टेस्ट खेळण्यात रसच दाखवत नाहीत हा फटका बसतोय आमच्या क्रिकेटला’ हे त्यांचं अचूक निरीक्षण आणि रास्त खंत. (हां असं मराठीत बोलले नव्हते हां ते..ऑफकोर्स) मुळात रसेल काय किंवा तो डोक्यावर काथ्या घेऊन फिरतो तो लंकेचा मलिंगा काय.. यांनी 'मला पांढरा टीशर्ट नको' हा एक प्रकार सुरु केलाय तो बरोबर नाहीये खरंतर.    

मान्य आहे की वेस्ट इंडीजची टीम आता पूर्वीसारखी राहिली नाही.. आता पहिलीच टेस्ट घ्या...त्यांची बॉलिंग वीक आहे असं आपली बॅटिंग बघताना वाटलं होतंच, पण त्यांच्या बोलर्सबद्दल आपल्याला असं वाटलेलं त्यांच्या बॅट्समनना सहन झालं नसावं.. म्हणून ते त्याहून गचाळ कामगिरी करतायत. ओपनर ब्रेथवेटने इतका मनापासून किल्ला लढवला, व्हँल्यूएबल ७४ करून आउट झाला, कौतुक करावं म्हटलं तर सेकंड इनिंगला हा कंटाळून पहिल्याच ओव्हरमध्ये बुलबुलडब्ल्यू.. अरे आव्वाज कुणाचा  इशांतदादाचा. आणि मग तो दुसरा ब्रेथवेट? फिरंगी बेन स्टोक्सला सलग चार कानाखाली मारल्यागत चार सिक्स मारून वर्ल्डकप जिंकून देणारा माणूस.. ‘कार्लोस ब्रेथवेट.. रिमेम्बर द नेम’ हे स्वत:चं जाहीर कौतुक कमेंटेटरकडून झालेला खेळाडू पहिल्याच बॉलवर उमेश यादवकडून बोल्ड होतो.. उमेश यादवकडून?

एकेकाळी मार्शल, होल्डिंग, गार्नर, रॉबर्ट्स आणि नंतरही वॉल्श, अँम्ब्रोसपर्यंत तोफखाना होता त्यांचा. वॉल्श, अँम्ब्रोसला सतत खेळूनच सचिन, द्रविडचे पूल आणि हुक इतके भारी झाले असावेत. शेवटी ते त्यांच्या उंचीप्रमाणेच बॉल टाकणार ना.. अगदी नंतरही नाही म्हणायला गेला बाजार तो डिल्लन. पण त्याला तर त्याच्या बेंबीला लागणाऱ्या पार्थिव पटेलनेही पुल करत सिक्स मारला होता, सो त्याचं एक जाऊद्या.

आताचे यांचे बोलर्स नुसतेच उंच आहेत, पण त्या पाकिस्तानच्या सात फूट चार इंच मोहम्मदची बॉलिंग खेळता येण्यासाठी नेट प्रॅक्टिस करताना समोरच्याला स्टुलावर उभं राहून बॉल टाकायला लावत त्या परफेक्ट ट्रॅजेक्टरीवर सराव करणारा कोहली आपल्याकडे.. कोहलीने त्या वर्ल्डकप मॅचला पाकिस्तानला बदडत शंभर ठोकलं होतंच सवयीप्रमाणे.. तर त्याला हे बॉलिंगमध्ये शून्य जान असलेले साडेसहा, फुटी असले तरी काय घाबरवणार.. अरे धवनपण ८४ मारतो तुम्हाला.. साउथ आफ्रिकन बॉलिंग खेळताना परवा परवा तर चष्मा घेऊन पॅव्हेलियनमध्ये बसायचा हा (बोथ इनिंग्ज डक).. करता काय तुम्ही लेको.. ते हातात दिलंय लाल रंगाचं गोल काहीतरी, ते नीट वापरा ना जरा.

पूर्वी विंडीजची बॅटिंग तर काय होती.. अगागागा.. व्हिव रिचर्डस, लॉइड, ग्रीनीज, कन्हायसारखे दयाळू बोलरला खाऊ का गिळू टाइप खेळणारे लोक, सोबर्ससारखा ऑल टाईम ग्रेट अष्टपैलू.. नंतर पण लारा तर होताच.. एकदम जगात भारी चारशे मारी.. पण लारानं आपल्याला फार छळलं नाही खरंतर.. आपल्याला ते चंदरपॉल, हूपर, सरवान वगैरे रडवायचे.

आताच्या विंडीजचं काय.. हरले तरी त्यांच्यावर माफक टीकाच होईल.. टीम दुय्यम आहे हे कारण आहेच. टीट्वेंटीत जाता येता जिंकून कॅलिप्सो करत बेभान नाचणारे हे जिंदादिल मनमौजी लोक, टेस्टमध्ये असेच राहिले तर अवघड आहे.. अरे नुकतेच अंडर19 आणि स्त्री पुरुष 20-20 असे तीन वर्ल्डकप जिंकले यांच्या टीमने हे सांगून कुणाला खरं वाटेल का? (आय मीन, क्रिकेट फॉलो न करणाऱ्या कुणालातरी सांगावं लागेल हां हे.. ती परवाच ड्रग्जमध्ये सापडलेली रशियाची ममता कुलकर्णी... कोण ती, हां मारिया शारापोव्हा वगैरे.. नाहीतर काय, सचिन माहीत नसतो त्याना क्रिकेट माहीत नसतंच.)

आणि अबे डॅरेन ब्राव्हो, लेका नुसता स्टान्स आणि काही शॉट्स लारासारखे जमले म्हणून प्रतिलारा म्हणायला लागले लोक तुला.. पण सातत्य लागतंय गड्या. तसं टेस्ट रेकॉर्ड चांगलं आहे तुझं. तुमची टीम आशेने बघतेय तुझ्याकडे आणि सॅम्युएल्सकडे. राग मानू नको हां भावा तुझ्यापेक्षा दोन वर्षं मोठाय मी म्हणून हक्कानं सांगतोय तुझ्याच भल्यासाठी.. अरे इकडे बघ आमचा कोहली २०० मारतोय, तिकडे जो रूट २५४ मारून पाकला रडवतोय.. अर्रर्र.. शिट यार, रूट कोहलीपेक्षा भारी खेळला.. आता काय उत्तर देणार आमचा बच्चन फ्लिंटॉफनं काही ट्विट केलं तर.. कसं फेकणार रूट उखाडके आता.. असो ते आम्ही आणि बच्चन बघून घेऊ. तुम्ही खेळा परत.. फॉलोऑन बसलाय तुम्हाला..

वेस्ट इंडीज.. टेस्ट क्रिकेट इज बेस्ट क्रिकेट.. ते असं वेस्ट करू नका.. (बेस्ट से याद आया.. टिनो बेस्ट कुठे गायब झाला)

#Cricket_1