थोडंसं डोकं फिरलंय...

थोडंसं डोकं फिरलंय...

          म्हणजे झालं असं की मघाशी फेसबुकवर असताना, आमच्या बेस्ट रीड्स ग्रुपमध्ये एका मित्राने जीव तोडून लिहिलेलं एक आर्टिकल वाचलं.. बेस्ट रीड्स -  कॉलेजात असताना हा इव्हेंट,तो इव्हेंट वगैरे नावाखाली जे  उपद्व्याप  केले, त्यातूनच  तयार  झालेला हा एक ग्रुप ! एवढीच व्याख्या करता  येईल. (जास्त डिटेल्स - कमी  डिटेल्स कुठे द्यावेत हे कळतेच ना वयोमानाप्रमाणे :P) असो,तर त्यात बरेच नमुने भेटले..काहीना अस्मादिकही नमुना  वाटले..काय करणार..ओळखतात काहीजण बरोब्बर ! असो..तो विषय नाही इथे.

           तर 'फ्रेन्डशिप डे'बद्दल म्हैशाने (हेच खरं नाव,पण काही ठिकाणी - म्हणजे pan card,लायसन्स,पासपोर्ट इत्यादी सटर-फटर कागदपत्रांवर त्याचे नाव महेश जाधव असे आहे.)  एक लईच भारी लेख लिहून पोस्ट केला ग्रुपमध्ये..तसा मोठाच लेख..शब्दांनीही आणि अर्थाने तर नक्कीच नक्की..भिडेल असंच लिहितो भिडू नेहमी..एकदम मनाला टचून जातं टाईप. मग काय..त्या लेखावर लाईक्स and कमेंट्स वगैरे आल्याच..अजूनही येत आहेत..येत रहाव्यात. बहुतेक कमेंट्समधून कौतुकसोहळा पार पडला होता....जो रास्तही होता..मीही त्यात सामील होतोच. पण सगळं सुरळीत,गोड गोड सुरू असतानाही अमेरिकेवर ७/११ ओढवलाच की !

          सांगायचा मुद्दा हा की...येणेप्रमाणे एक कमेंट तिथे प्रविष्ट जाहली...

      '3 tas vaya ghalvalas evadh type karnyat..... study kar.........'

 आणि या वाक्यामुळे सादर ब्लॉगचे पहिले वाक्य माझ्या  मन:स्थितीचे निदर्शक झाले.

 मग मी असा रिप्लाय टाकला as a comment -     किंवा अशी कमेंट टाकली as a reply -

      'हेल ..काय हे...३ तास 'वाया'? यू युज्ड वर्ड 'वाया'? असो..तुम्हांला काय नि कसं कळणार लेखक (फारच मोठा शब्द वाटतोय का..'लिहिणारा' म्हणू हवं तर..) किती पोटतिडकीने लिहित असतो ते..एक माध्यम तर हवं असतं त्याला व्यक्त होण्यासाठी... बाकीच्यांना (फारच मिळमिळीत शब्द वाटतोय का..'भल्याभल्यांना' म्हणू हवं तर ) जे जमत नाही ते तो शब्दांच्या मागे वेडे होत सहज करून जातो...ते सगळं काय हे 'असलं' ऐकण्या/वाचण्यासाठी? हेची फळ काय तस्य तपाला ?
आता मला तुझा रिप्लाय माहीत आहे.."वॉज जस किडिंग रे"......
निषेध ....... :X'

झालं...गोष्ट छोटीशीच म्हणायला हवी नाही का तसं पहायला गेलं तर ...but still काहीतरी तुटलं आत ..नेमकं असं शब्दात वगैरे पकडून किंवा बांधून नाही सांगता येणार..पण . . .

लेखकांना शापच आहे काय हा ?